71 №-Lİ TAM ORTA MƏKTƏB

Misirxanov Elxan Sərxan oğlu 7 iyun 1973-cü ildə Bakı şəhərində dünyaya göz açıb. 71 nömrəli tam orta məktəbi bitirən Elxan 2№-li Dəmir Yolu texniki peşə məktəbinə daxil olub. Peşə məktəbini bitirdikdən sonra 1991-ci il iyun ayının 4-də Sovet ordusunda, Kiyev şəhərində hərbi xidmətə başlayıb. Lakin SSRİ-nin süqutundan sonra Kiyevdə hərbi xidməti yarımçıq qoyaraq Vətənə qayıdır. O, I Qarabağ Müharibəsi zamanı könüllü olaraq döyüşlərə yollanır. 1992-ci ildə ayağından yaralanaraq hərbi qospitala yerləşdirilir, lakin tam sağalmadan müalicəni yarımçıq qoyaraq yenidən döyüş  bölgəsinə yollanır. 1993-cü ildə  Martuni (Xocavənd) uğrunda gedən döyüşlərdə mərdliklə vuruşur. Həmin döyüşdə yaralanmış döyüş yoldaşlarının düşmən əlinə keçməməsi üçün xüsusi fədakarlıq göstərərkən erməni gülləsinə tuş gəlir və şəhidlik zirvəsinə ucalır.

Elxan Misirxanov Bakıxanov qəsəbəsindəki Şəhidlər Xiyabanında torpağa tapşırılıb. Şəhidin xatirəsinə ehtiram əlaməti olaraq 18 aprel 1994-cü ildə oxuduğu 71 nömrəli tam orta məktəbə şəhidin adı verilib.

Məktəbin girişində şəhidin büstü ucaldılıb.

Elxan və onun kimi qəhrəman oğullarımızın xatirəsi daim qəlblərdə yaşayacaq.