71 №-li tam orta məktəb

       17.03.2023-cü il tarixdə 71 nömrəli tam orta məktəbdə Rayon Polis İdarəsi və Ailə Qadın və Uşaq Problemləri Üzrə Dövlət Komitəsinin birgə təşkilatçılğı ilə “Narkomaniyaya yox deyək!” mövzusunda maarifləndirici tədbir keçirilib.
       Əvvəlcə Dövlət Himni səsləndirilib və sonra Vətən müharibəsi Şəhidlərinin əziz xatirəsi 1 dəqiqəlik sükutla yad edilib. Daha sonra tədbiri açıq elan etmək üçün söz məktəbin direktoru Yasin Quliyevə verilib.
Məktəb direktoru əvvəlcə qonaqları-polis polkovniki Sədi İsmayılovu, polis kapitanı Ata Atayevi, Ailə Qadın və Uşaq problemləri üzrə Dövlət Komitəsinin nümayəndəsi Həsən Əliyevi, həkim narkoloq Günay Əliyevanı, Səhiyyə Nazirliyinin psixoloqu Ofeliya Məmmədovanı salamlayaraq onları tədbir iştirakçılarına təqdim edib və daha sonra öz çıxışında ölkəmizdə narkomaniyaya qarşı aparılan mübarizədən və maarifləndirici təbirlərin əhəmiyyətindən danışıb və bu cür tədbirlərin vaxtaşırı keçirilməyinin müsbət tərəfləri haqqında fikirlərini bildirib. Sonra isə, söz məktəbimizin şagirdlərinə verilib. Şagirdlərimizin ifasında bu aktual mövzu üzrə hazırlanan tamaşa və videoslayd tədbir iştirakçılarına təqdim olunub.
       Daha sonra isə,çıxış üçün söz qonaqlara verilib.
     Rayon Polis İdarəsinin rəis müavini, polis polkovniki Sədi İsmayılov rayon ərazisində polisin narkotik vasitələrin qanunsuz dövriyyəsinə qarşı keçirdiyi əməliyyat-axtarış fəaliyyətindən, narkotik vasitələrin təbliğ edilməsi cəhdləri ilə bağlı məsələlərə  toxunub və eləcə də  daxili işlər orqanlarının ictimaiyyət tərəfindən dəstəklənməsinin, xüsusən cəmiyyətin aparıcı qüvvələri olan gənclərin maarifləndirici tədbirlərdə iştirak etməsinin vacib olduğunu, son dövlərdə bu dəstəyin nəzərəçarpacaq qədər artdığını qeyd edib.
     Paytaxtda gəncləri narkomaniya və erkən nikahdan, digər zərərli vərdişlərdən çəkindirmək üçün keçirilən tədbirlər barədə çıxış edən Həsən Əliyev də yalnız birgə fəaliyyət sayəsində qlobal probelmin həll edilə biləcəyini, aparılan mübarizənin daha səmərəli olacağını qeyd edib.
     Mövzu ətrafında çıxış edən həkim-narkoloq Günay Əliyeva  və psixoloq Ofeliya Məmmədova narkotik vasitələrin insan orqanizmində törətdiyi fəsadlar barədə ətraflı məlumat veriblər. 
     Məktəb rəhbərliyinin başçılığı və şagirdlərin iştirakı ilə  mövzu üzrə hazırlanan səhnəciklər maraqla qarşılanıb. Sonda fəal şagirdlər diplomla mükafatlandırılıb.

Şagirdlərimiz Qədim Ramana qalasında Novruz bayramı şənliyində iştirak etmişlər.

       2022-2023-cü tədris ilində məktəbin "Fəaliyyət Planı"nın 1.3 bölməsinin - peşəkar inkişaf və metodiki xidmətin təşkili üzrə 1.3.4 bəndinə əsasən Coğrafiya-Tarix fənn aylığı çərçivəsində məktəbin coğrafiya müəllimi və metodbirləşmə rəhbəri Abduləzimova Susanna 7 D sinfində Coğrafiya fənni üzrə "Torpaq" mövzusunda nümunəvi dərs keçirdi. Dərsin keçirilməsində əsas məqsəd  torpaq əmələgəlmə prosesini, torpağın quruluşunu, münbitliyini və s. xüsusiyyətlərini şagirdlərə çatdırmaq idi.
"Torpaq" mövzusunda keçirilən bu dərsdə müəllim nəzəri materialı qısa şərh etdi. Bundan sonra  şagirdlər verilən suallar əsasında tədqiqat işi apardılar, qrup işində fəal iştirak edərək öyrəndiklərini təqdim etdilər. Daha sonra müəllim tərəfindən gətirilən torpaq nümunələri araşdırıldı,şagirdlər nümunələr üzərində torpağın xüsusiyyətləri ilə bağlı məlumatlar verdilər. Dünya və Azərbaycanın topoqrafiq xəritələrində müxtəlif torpaq nümunələri üzrə tapşırıqlar şagirdlər tərəfindən yerinə yetirildi.
     Nümunəvi dərsdə məktəbin direktoru Yasin Quliyev, direktor müavini Zərifə Cəfərova, təşkilatçı Seyidbalayeva Şəhla və tarix  müəllimi Quliyeva Gülnaz  iştirak edirdilər.
    Dərsin metodiki xüsusiyyətləri ilə bağlı direktorun, təlim-tərbiyə işləri üzrə direktor müavini, fənn müəllimi və metodbirləşmə üzvləri ilə görüşü keçirildi və dərsin keyfiyyəti haqqında fikirlər dinlənildi,müzakirələr aparıldı, müvafiq qərarlar qəbul edildi.

       2022-2023-cü tədris ilində məktəbin "Fəaliyyət Planı"nın 1.3 bölməsinin - peşəkar inkişaf və metodiki xidmətin təşkili üzrə 1.3.4 bəndinə əsasən Coğrafiya-Tarix fənn aylığı çərçivəsində məktəbin coğrafiya müəllimi Məmmədova Rəvanə 6 d sinfində nümunəvi dərs keçmişdir. "Torpaq" mövzusunda keçirilən bu dərsdə müəllim nəzəri materialı qısa şərh etdi. Bundan sonra  şagirdlər verilən suallar əsasında tədqiqat işi apardılar, qrup işində fəal iştirak edərək öyrəndiklərini təqdim etdilər.
     Nümunəvi dərsdə məktəb rəhbərliyi və müəllimlər  iştirak etmişlər.
    Dərsin metodiki xüsusiyyətləri ilə bağlı direktorun fənn müəllimi və metodbirləşmə üzvləri ilə görüşü keçirildi və dərsin keyfiyyəti haqqında fikirlər dinlənildi, müvafiq qərarlar qəbul edildi, müzakirələr aparıldı.

        l yarımilin yekunu üzrə böyük summativ qiymətləndirmədə fərqlənən şagirdlərimiz, eləcə də  məktəbin ictimai işlərində fəal iştirak edən, şagirdlərin vətənpərvər ruhda yetişdirilməsində xüsusi rolu olan müəllimlərimiz məktəbin direktoru Yasin Quliyev tərəfindən təltifə layiq görülmüşlər. Direktor şagirdləri təbrik edərək onlara uğurlar arzulamışdır, məktəbin idman şərəfini qoruyaraq Ümumilli Liderimiz Heydər Əliyevin 100 illik yubileyinə həsr olunmuş voleybol yarışında l yeri qazanan məktəb komandasına təşəkkürünü bildirmiş, eləcə də  gənc nəslin təlim-tərbiyəsində xidmətləri olan, tarixi qələbəmizdə qəhrəmanlıq nümayiş etdirən gənclərimizi yetişdirən müəllim əməyindən danışaraq onlara bundan sonra da bu şərəfli peşəni layiqincə davam etdirməyi tövsiyyə etmişdir.
Təltif olunan hər kəs öz növbəsində məktəb rəhbərinə təşəkkürünü bildirmişdir.