Birinci sinif şagirdlərinin valideynləri ilə məktəb rəhbərliyinin görüşü keçirilib
18.09.2019-cu il tarixində birinci sinif şagirdlərinin valideynləri ilə məktəb rəhbərliyinin görüşü keçirildi. İclasda məktəbin direktoru Yasin Quliyev, təlim-tərbiyə işləri üzrə direktor müavini Elnurə İsmayılova və valideynlər iştirak edirdilər.
Məktəbin direktoru Yasin Quliyev valideynləri salamlayaraq yeni dərs ilinin başlanması münasibətilə valideynləri təbrik elədi, onların övladlarına təhsildə uğurlar dilədi, məktəb-şagird-valideyn münasibətləri , məktəbdaxili nizam-intizam qaydaları haqqında ətraflı məlumat verdi, məktəbdə təlim-tərbiyənin təşkilində valideynlərin rolu və vəzifələri haqqında danışdı. Eyni zamanda valideynlərin təklifləri dinlənildi. Sonda məktəb-valideyn münasibətlərini tənzimləmək üçün hər bir sinif üzrə valideyn komitələrinin sədrləri müəyyən edildi.
