20 Yanvar- Ümumxalq Hüzn Gününə həsr edilmiş filmin nümayişi
17.01.2025-ci il tarixdə Sabunçu Gənclər və İdman İdarəsinin, Sabunçu Gənclər Evinin təşkilatçılığı ilə 20 Yanvar- Ümumxalq Hüzn Gününə həsr edilmiş filmin nümayişi baş tutub. Filmin təqdimatından öncə, təşkilatçı heyətin nümayəndələri 20 Yanvar faciəsi haqqında danışaraq Şəhidlərimizin əziz xatirələrini ehtiramla yad ediblər. Daha sonra tariximizi gələcək nəsillərə yaxından tanıtdırmaq məqsədi ilə müxtəlif məktəblərdən dəvət olunmuş şagirdlərə film nümayiş etdirilib. Məktəb psixoloqu İmaməliyeva Turanə və fiziki tərbiyə müəllimi Cabarov Rüstəmin rəhbərliyi ilə bir qrup şagird heyəti filmin təqdimatında iştirak ediblər.
