Bullinq haqqında maarifləndirici seminar keçirilib
Şagird sağlamlığı və təhlükəsizliyi, məmnunluğu, nizam-intizamın idarə olunması və məktəbdə həyata keçirilən təhlükəsizlik tədbirləri çərçivəsində bullinqlə bağlı maarifləndirici seminar keçirilmişdir. 10/12/2024-cü il tarixdə məktəb psixoloqu İmaməliyeva Turanə və GÇH rəhbəri Mehdiyev Aslanşahın 11"C" sinfində təşkil etdikləri bu seminarda zorakılıq (bullinq) və kiber zorakılıq (kiberbullinq),onların digər növləri arasındakı fərqlər, kiber zorakılıq davranışlarının psixoloji izahı, onun psixoloji təsirləri, yayılması, yaş və cins kimi demoqrafik xüsusiyyətləri barədə şagirdlərə məlumatlar verilmişdir.
Bullinq kiməsə ləqəb qoşmaq, ona qarşı alçaldıcı sözlər işlətmək, müəyyən bir işi etməyəcəyi təqdirdə fiziki zorakılıq göstərməklə, şantaj etməklə, ona məxsus olan əşyalara və ya kiçik bacı-qardaşlarına zərər yetirməklə qorxutmaq, qrupdan kənarda saxlamaq kimi formalarda törədilə bilər. Məktəb mühitində zorakılığın qarşısını almaq və şagirdlər arasında şəxsiyyətlərarası münasibətlərin düzgün qurulmasına dəstək olmaq məqsədilə keçirilən bu seminarda məhz bu faktorlarla bağlı şagirdlərlərlə müzakirə aparılmışdır.
