BŞTİ-nin III siniflərdə monitorinqi keçirilib
15 may 2024-cü il tarixdə Bakı Şəhəri üzrə Təhsil İdarəsinin Təhsilin Keyfiyyətinə Nəzarət Sektoru və Təlimə Dəstək Mərkəzinin təşkilatçılığı ilə lll siniflər üzrə monitorinq qiymətləndirmə keçirilib.
Monitorinq Azərbaycan və rus bölmələrində tədris dili, riyaziyyat və İngilis dili fənləri üzrə təşkil olunub.
Monitorinqin keçirilməsində əsas məqsəd təhsilalanlarda müvafiq standartlar üzrə bilik və bacarıqların hansı səviyyədə formalaşdığını müəyyən etmək, ibtidai təhsil səviyyəsində keyfiyyətin artırılması istiqamətində tədbirlər görmək, şagirdlərin gələcək inkişafına və müəllimlərin peşəkarlığının təkmilləşməsinə dəstək olmaqdan ibarətdir.
Monitorinq məktəb rəhbərliyinin nəzarəti ilə şəffaf şəkildə həyata keçirilib.
