Layihə təqdimatı keçirilib
Qəzetlər xəbərləri və maraqlı faktları təqdim edən bir nəşr vasitəsidir. Onlar ictimai fikrin formalaşmasında və baş verən hadisələr barəsində insanların məlumatlandırılmasında mühüm rol oynayır. Məktəbin ingilis dili müəllimi İlahə Quliyeva IX "A" və IX "B" sinif şagirdləri ilə birgə "Media və Mətbuatın həyatımızda rolu" mövzusu üzərində layihə təqdimatı keçirib. Təqdimatlar elektron vasitələrdən, Web -2 alətlərdən istifadə olunaraq hazırlanıb. Məqsəd gündəmdə olan xəbərlərin media savadlılığı və təhlükəsizliyi qaydalarına uyğun yoxlanıb xarici dildə hazırlaması olub.
Hər iki sinfin şagirdləri yaradılmış redaksiya heyəti ilə maraqlı qazet nümunələri təqdim etmişlər .
Nəşr nümunələrində cari tədris ilinin buraxılış imtahanlarında məktəbin IX və XI sinifləri üzrə uğur qazanmış sagirdlərinə ayrılmış xüsusi səhifə də öz əksini tapıb.
