"Xocalı soyqırımının 32-ci ildönümünə həsr olunmuş sərgi keçirilib
23/02/2024-cü il tarixdə məktəbin "Fəaliyyət Planı"və "Xocalı soyqırımının 32-ci ildönümü ilə bağlı Elm və Təhsil Nazirliyinin müvafiq əmrinə əsasən Xocalı soyqırımının otuz ikinci ildönümününə həsr olunmuş sərgi təşkil edilib. Şagirdlər Xocalı qətliamının dəhşətlərini kağız üzərində təsvir ediblər və həmin əsərlər məktəbin foyesində sərgilənib.
Sərginin hazırlanmasında "Mənim rəngli dünyam"dərnəyinin rəhbəri Mətanət Abdullayevanın təşkilatçılığı ilə dərnək üzvləri fəal iştirak etmişlər.Hər zaman gözəl əl işləri ilə seçilən bu şagirdlərin rəsmləri yenə də böyük maraqla qarşılandı.
Sərginin keçirilməsində əsas məqsəd Azərbaycan tarixinə ən dəhşətli və faciəvi səhifələrdən biri kimi daxil olmuş Xocalı soyqırımı qurbanlarının xatirəsini yad etmək, istedadlı uşaqların əl işlərinin nümayiş etdirilməsini təmin etmək və faciənin mahiyyətini onların təsəvvürü nəticəsində yaratdıqları rəsm əsərləri vasitəsilə məktəbin bütün şagirdlərinə çatdırmaqdan ibarət olmuşdur.
