Nümunəvi dərs keçirilib
2023-2024-cü tədris ilində məktəbin "Fəaliyyət Planı"nın 1.3 bölməsinin- peşəkar inkişaf və metodiki xidmətin təşkili üzrə 1.3.4.bəndinə əsasən Kimya-Biologiya fənn aylığı ərəfəsində 22/01/2024-cü il tarixdə məktəbin Biologiya müəllimi və həm də metodbirləşmə rəhbəri Abdullayeva Aliyə 8 c sinfində nümunəvi dərs keçmişdir. Nümunəvi dərsdə təlim-tərbiyə işləri üzrə direktor müavini Zərifə Cəfərova və Biologiya müəllimi Kərimova Xəyalə iştirak etmişlər və onlar müvafiq meyarlar üzrə qiymətləndirmə aparmışlar.
Biologiya fənnindən "Ağciyərlər, tənəffüs hərəkətləri, qazlar mübadiləsi" mövzusu üzrə keçirilən bu nümunəvi dərs "MimioStudio" proqramında yığılmışdır. Dərs zamanı müəllim şagirdləri nəzəri biliklərlə tanış etdi. Bu zaman həm İKT, həm də əyani vəsaitlərdən istifadə olunaraq , şagirdlərin fəallığı təmin olundu.Dərsin sonunda "Jeopardylabs" proqramı vasitəsilə (oyun şəklində) şagirdlər sual-cavab olundu.
Çox maraqlı keçən bu dərsə görə,təlim-tərbiyə işləri üzrə direktor müavini Zərifə Cəfərova müəllimə və şagirdlərə təşəkkürünü bildirdi və uğurlar arzuladı.
Dərsdən sonra müzakirə təşkil olunmuş,dərs haqqında fikir mübadiləsi aparılmışdır.
