İnşa müsabiqəsi keçirilib
Dil hər bir millətin maddi və mənəvi irsini qoruyan və inkişaf etdirən ən mühüm və ən güclü vasitədir. Hər bir insan öz ana dilini yaxşı bilməli və onu qorumalıdır. Ana dili insanın mənəvi aləminin zənginləşməsində, dünyagörüşünün genişlənməsində, mükəmməl təhsil almasında, öz soydaşları ilə ünsiyyət qurmasında mühüm rol oynayır. Məhz bu nüansları əsas götürərək məktəbin dil-ədəbiyyat metodbirləşmə rəhbəri Afət Tağıyevanın təşkilatçılığı ilə 29/12/2023-cü il tarixdə "Ana dilim-milli varlığımdır" mövzusunda inşa müsabiqəsi keçirilib. İnşa müsabiqəsində məktəbin 7 və 8-ci sinif şagirdləri iştirak etmişlər.
