Fizika fənni üzrə praktiki dərs keçirilib
2022-2023-cü tədris ilində məktəbin "Fəaliyyət Planı"nın 1.3 bölməsinin - peşəkar inkişaf və metodiki xidmətin təşkili üzrə 1.3.4 bəndinə əsasən fizika fənn aylığı çərçivəsində məktəbin fizika müəllimləri Mehdiyeva Çiçək 6 e sinfində "Elektrik və maqnit qarşılıqlı təsirlər" mövzusunda, Həsənova Güllü isə, 7 e sinfində "Cismin tarazlığı" mövzusunda praktiki dərslər keçmişlər. Mövzu üzrə təcrübələrin həyata keçirilməsi ilə bağlı olan bu dərslərdə şağirdlər böyük həvəslə praktiki işləri yerinə yetirmişlər. Məzmun standartlarında nəzərdə tutulan bacarıqların reallaşdırılması zamanı təcrübi işlərin aparılmasının böyük əhəmiyyət kəsb etdiyini əsas tutaraq müəllimlər dərslərdə vaxtaşırı praktiki işlərin tətbiqini həyata keçirirlər.
Mövzular üzrə geniş məlumat mübadiləsi və müzakirələr aparılıb.
