Məktəbimizdə Respublika Günü
Mayın 27-də məktəbimizdə 28 May – Respublika Günü ilə əlaqədar tədbir keçirildi. Dövlət himninin səsləndirilməsi ilə başlayan tədbirlərdə şərqdə ilk demokratik respublika olan Azərbaycan Xalq Cümhuriyyətinin yaranma tarixi, keçdiyi inkişaf yolu, cümhuriyyətin mövcud olduğu qısa müddətdə xalqımızın mədəni inkişafına, elm, təhsil sahəsinin tərəqqisinə verdiyi töhfələr barədə şagirdlərə geniş məlumat verilib. Ölkəmizin müstəqilliyi bərpa olunduqdan sonra qazanılmış uğurlardan, dövlət quruculuğu sahəsində ümummilli lider Heydər Əliyevin əvəzsiz xidmətlərindən bəhs edilib. Bayram gününə həsr edilmiş şagirdlərin əl işlərindən ibarət rəsm müsabiqəsi təşkil olundu. Müsabiqənin qalibləri məktəb rəhbərliyi tərəfindən diplomla təltif olundu.
