Bayramınız mübarək əziz müəllimlər
Bu başlıq altında keçirilən tədbir 69 nömrəli tam orta məktəbin 5d sinif şagirdlərinin məktəbin müəllimlərinə bayram hədiyyəsi idi.
Sinif rəhbərinin və şagirdlərin təşəbbüsü ilə uzun illər məktəbdə fəaliyyət göstərmiş veteran müəllimlərin tədbirə dəvət olunması pedoqoji kollektiv üçün bir sürpriz oldu.
Məktəbin direktoru tədbirdə çıxış edərək müəllimlərin peşə bayramlarını təbrik etdi. Şagirdlərin söylədikləri şeirlər, ifa etdikləri mahnıları və rəqsləri, balaca aparıcıların aparıcılıq qabiliyyəti tədbir iştirakçılarının marağına səbəb oldu. Tədbirdə çıxış edən veteran müəllimlər dəvətə görə öz təşəkkürlərini bildirdilər.
