İlk qadın opera müğənnisi
Sabunçu rayonu 69 nömrəli tam orta məktəbdə professional ilk Azərbaycanlı qadın opera müğənnisi və müəllimi Şövkət Məmmədovanın 120 illik yubileyi ilə əlaqədar sentyabr-noyabr aylarında görüləcək işin tədbirlər planı tərtib edildi. Tədbirlər planına əsasən bütün siniflər üzrə müntəzəm olaraq Şövkət Məmmədovanın həyat və yaradıcılığı haqqında söhbətlər aparıldı. Yubileylə əlaqədar ədəbi-bədii gecələr təşkil edildi. Noyabrın 14-də məktəbimizin akt zalında Şövkət Məmmədovanın keçdiyi həyat yolundan bəhs edən videoçarx nümayiş etdirildi. Sonra müğənninin ifa etdiyi mahnılar şagirdlərimizin ifasında dinlənildi.
