"Narkomaniyaya yox deyək"adlı tədbir
Balaxanı qəsəbəsində yerləşən 69 nömrəli tam orta məktəbdə Sabunçu rayon Polis İdarəsinin əməkdaşları məktəbin yuxarı sinif şagirdləri ilə görüş təşkil edərək tədbir keçirtmişdilər. Tədbirdə iştirak edənlər Sabunçu rayon Polis İdarəsinin YYÇ-in işləri üzrə bölmə rəisi Babayev Əli Ağaəli oğlu, inspektoru Xudiyev Aqil Fərhad oğlu və 12-ci polis bölməsinin rəis müavini Ələsgərov Yunis Hikmət oğlu və həmin bölmənin YYÇ-in işləri üzrə baş inspektoru Məmmədov İbrahim İsaq oğlu çıxışlar edərək, narkomaniyanın zərərli fəsadları barədə və eləcə də antinarkotik təbliğatın gücləndirilməsi barədə maarifləndirmə işləri həyata keçirtdilər. Bununla yanaşı bu mövzuda videoçarx nümayiş etdirildi. Daha sonra şagirdlərin ünvanladığı suallar cavablandırıldı. Ümumilikdə tədbir məktəbin pedoqoji və şagird kollektivi tərəfindən yüksək qiymətləndirildi.
