Ana Dili Günü keçirildi
Qarlı-şaxtalı hava şəraiti ilə əlaqədar olaraq Ana Dili Günü tədbiri 25 fevral 2025-ci il tarixində keçirildi. Tədbir məktəbin 5a və 5d sinfinin şagirdlərinin iştirakı ilə baş tutmuşdu. 21 Fevral Beynəlxalq Ana Dili Günü ilə bağlı tədbir məktəbin məktəbdənkənar və sinifdənxaric işlər üzrə təşkilatçısı İsmayılova Yeganə müəllimin təşkilatçılığı ilə təşkil edilmişdir. Bu tədbirdə Ana dilimizin şirinliyi, saflığı və gözəlliyi Bəxtiyar Vahabzadənin, Tofiq Bayramın, Mina Rəşidin, Şirinxanım Kərimbəylinin və başqa şairlərin yaradıcılığından 5d sinif şagirdlərinin söylədikləri şeirlərdə və hazırladıqları "Ana dilimə sevgi" səhnəciyində daha aydın vurğulandı. 5a sinfinin ifasında Gülzar İbrahimovanın bəstələdiyi "Azərbaycan dili" mahnısı səsləndirildi. Sonda hamı birlikdə,-Yaşasın Ana dilimiz! söylədilər. Dilimiz təkcə sözlərlə deyil, həm də musiqi ilə danışır.
