Ulu Öndərimiz Heydər Əliyevin məzarı ziyarət edildi.
11 dekabr 2024-cü il tarixində məktəbin Azərbaycan dili və ədəbiyyat müəllimi- Həsənxanova Günayın təşkilatçılığı ilə VI və VII sinif şagirdləri Ümummilli liderimiz Heydər Əliyevin anım günü ilə əlaqədar olaraq Fəxri xiyabana ziyarət etdilər.
Məqsəd Ulu Öndərimiz Heydər Əliyevin xatirəsini uca tutmaq və şagirdlərimizə milli vətənpərvərlik ruhunu aşılamaqdan ibarətdir.
Şagirdlərimiz 12 Dekabr anım gününü böyük məhəbbət və iftixar hissi ilə qeyd etdilər. Tarixə öz adını əbədi həkk etmiş nadir şəxsiyyətin həyat və fəaliyyəti hər bir Azərbaycan vətəndaşının qürur mənbəyinə çevrilmişdir. Biz məktəbin müəllim və şagird heyəti adından Ulu Öndərimizi böyük ehtiramla yad edirik və ruhu qarşısında baş əyirik. Allah rəhmət eləsin.
