“Ürəklərdə Yaşayan Lider” adlı tədbir keçirildi.
Dünya tarixi sübut etmişdir ki, şəxsiyyətlərin gücü, cəsarəti, siyasi iradəsi və müdrikliyi mənsub olduğu xalqın, onun yaratdığı dövlətin həyatında əvəzedilməz rola malikdir. Bu şəxsiyyətlər arasında müasir müstəqil Azərbaycan dövlətinin memarı və qurucusu, Ulu Öndər Heydər Əliyevin özünəməxsus yeri vardır.
Azərbaycan xalqının ümummilli lideri Heydər Əlirza oğlu Əliyevin vəfatından 21 il keçir.
12 Dekabr - Ümumilli lider Heydər Əliyevin Anım Günü ilə əlaqədar olaraq 10 dekabr 2024-cü il tarixində məktəbin UBTR- i Salmanova Pərvanənin təşkilatçılığı ilə tədbir keçirildi.
Tədbirdə şagirdlər Heydər Əliyevin zəngin həyat yolundan, nümunəvi siyasətindən bəhs edən çıxışlar söylədilər. Dahi şəxsiyyətin müdrik kəlamlarından sitatlar, şeirlər səsləndirdilər. Ümummilli liderin həyat və fəaliyyətinin müxtəlif istiqamətlərindən bəhs edən videoçarx nümayiş olundu. Məktəbin " İnci” xor dərnəyinin üzvləri "Bizim Heydər babamız" mahnısını ifa etdilər .
Ömür yolu Vətənə, xalqa xidmət nümunəsi olan dahi şəxsiyyət, əbədiyaşar liderin, xatirəsi qəlbimizdə əbədi yaşayacaq!
Ulu Öndər- Heydər Əliyevi dərin hörmət və ehtiramla anırıq.
