Zəfər Günü ilə bağlı tədbir keçirildi.
Məktəbin 4Ç və 4B sinif rəhbərlərinin-Kərimova Samirə və Qoçəli Solmaz müəllimənin təşkilatçılığı ilə 05 noyabr 2024-cü il tarixində Zəfər Günü ilə bağlı silsilə tədbirlər keçirildi. Hər iki tədbiri keçirməkdə məqsəd şagirdlərin qəlbində vətən eşqini yaşatmaq, zəfər qəhrəmanlarını xatırlamaq idi. Müharibə zamanı vətən oğullarının necə həvəslə və düşmənə nifrət hissi ilə könüllü iştirak etmələri səhnəciklərdə öz əksini tapdı. Şagirdlər tədbirdə I Qarabağ və II Qarabağ müharibələri haqqında məlumat verdilər. Görkəmli şairlərimizin vətən haqqında yazdığı təsirli şeirləri söylədilər, Azərbaycan xalq rəqslərini məharətlə ifa etdilər. Zəfər eşqinin körpə balaların ürəyinə hopduğu coşqu ilə oxuduqları mahnılardan hiss olunurdu. Tədbirin sonunda məktəbin direktoru Faiq Məmmədov şanlı tariximizdən söz açdı və öz ürək sözlərini tədbir iştirakçıları ilə bölüşdü.
