Azərbaycan Dövlət Akademik Milli Teatrına ekskursiya
69 nömrəli məktəbin ibtidai sinif şagirdləri sinif rəhbərlərinin təşkilatçılığı ilə asudə vaxtdan səmərəli istifadə etmək məqsədilə 02.06.2024-cü il tarixində Beynəlxalq Uşaqlar Günü ilə əlaqədar Azərbaycan Dövlət Akademik Milli Teatrına getdilər. Bütün uşaqların sevimli filmi Bir qalanın sirri tamaşasını maraqla izlədilər. Tamaşada tariximizin hər səhifəsində vətən, yurd sevən, xalqına bağlı olan qəhrəmanlarımızın, qoçaq qızlarımızın olduğu nəzərə çarpdırıldı. Elmin, biliyin önə çıxarıldığı səhnələr körpələrdə daha çox maraq oyatdı, Hadı, Bıdının iştirak etdiyi komik səhnələr balaların üzündə gülüş yaratdı.
