“Bu günün uğurlu başlanğıcından gələcəyə doğru” adlı tədbir keçirildi
01.06.2024-cü il tarixində məktəbin IVc sinif şagirdlərinin təqdimatında “Bu günün uğurlu başlanğıcından gələcəyə doğru” adlı tədbir keçirildi. Tədbir eyni zamanda gələcəyimiz olan uşaqların “Uşaqların Beynəlxalq Müdafiəsi Günü” nə həsr olunmuşdur.
Tədbiri məktəbin direktoru Faiq Məmmədov açdı, uşaqları təbrik etdi və uğurlar dilədi.
Şagirdlər şeirlər və mahnılar oxudular, gözəl rəqs nömrələri ilə çıxış etdilər. Sinif müəllimi Ülviyyə Fərzalıyeva uşaqları təbrik etdi, öz xeyir-duasını verdi. Məktəbin təlim-tərbiyə işləri üzrə direktor müavinləri Raziyə Məmmədova və Aida Əliyeva da şagirdləri təbrik etdi, onlara gələcək təhsil həyatında uğurlar dilədilər. Sonda rəhbərlik tərəfindən uşaqlara sertifikatlar verildi.
