İbtidai sinfə əlvida deyən dördüncülər
25 may 2024-cü il tarixində 4b sinif şagirdləri ibtidai təhsil pilləsini başa vurmaları münasibətilə hesabat tədbiri təqdim etdilər. Tədbiri məktəbin direktoru Faiq Məmmədov açdı, uşaqlara uğur dilədi. Şagirdlərin çıxışlarında 4 illik təhsil həyatının statistik hesabatı, xronikası öz əksini tapdı. Sinif yoldaşlarının xarakter və davranışlarını əks etdirən məzəli şeirlər təqdim olundu. Rəqs və mahnılar tədbiri rəngarəng və baxımlı etdi. İlk müəllimə həsr olunan mahnı və şeirlər hamını mütəəssir etdi. Sinif müəllimi Ülviyyə Əlizadə şagirdlərinə xeyir-dua verdi. Təlim-tərbiyə işləri üzrə direktor müavinləri Raziyə Məmmədova, Aida Əliyeva, şagirdlərə gələcək təhsillərində müvəffəqiyyət dilədilər.
