“Hamının Günəşi” adlı tədbir keçirildi
10.05.2024-cü il tarixində məktəbin Azərbaycan dili müəllimi Nuranə Qarayevanın təşkilatçılığı və Va sinfinin iştirakı ilə “Hamının Günəşi” adlı tədbir keçirilmişdir. Tədbir Ulu öndər Heydər Əliyevin 101 illiyinə həsr edilmişdir. Tədbirin əvvəlində Azərbaycan Respublikasının himni səsləndirilmişdir. Daha sonra şagirdlər dahi şəxsiyyətin həyatı ilə bağlı məlumat vermişdirlər. Tədbirin davamında müxtəlif şeirlər səsləndirilmiş, 5a sinif şagirdlərindən təşkil olunmuş kiçik xorda “Ulu öndər” mahnısı ifa edilmiş, “Gül” rəqsi göstərilmişdir. Tədbirin ən maraqlı qismi isə Məmməd Namazın “Hamının günəşi” adlı əsərindən bir parçanın səhnələşdirilməsi idi. Tədbirdə şagirdlər Heydər Əliyevin kəlamlarını da səsləndirmişlər. Tədbirin sonunda məktəbin təlim-tərbiyə işləri üzrə direktor müavini Raziyə Məmmədova, məktəbdənkənar və sinifdənxaric işlər üzrə direktor müavini Yeganə İsmayılova tədbirlə bağlı təəssüratlarını bölüşmüş, şagirdlərə uğurlar arzulamışdırlar.
