"31 Dekabr Dünya Azərbaycanlılarının Həmrəylik Günü" ilə əlaqədar olaraq Qazilərlə görüş keçirildi
23.12.2023-cü il tarixində məktəbin IV sinif müəllim və şagirdlərinin iştirakı ilə Qazilərlə görüş keçirildi. Bu görüşdə əsas məqsəd "31 Dekabr Dünya Azərbaycanlılarının Həmrəylik Günü" nə istinadən Qazilərlə həmrəy olduğumuzu, hər zaman onların yanında olduğumuzu bildirmək idi. Tədbirdə Azərbaycanın ərazi bütövlüyü uğrunda Şəhid olmuş İsmayıl Veysin atası İsmayılov Əflatın, I Qarabağ müharibəsində 6 il döyüşmüş, eyni zamanda əsgərlərə tibbi yardım göstərmiş Qəhrəman Diləfruzu ana, II Qarabağ müharibəsi qaziləri Quliyev Nicat, Məmmədov Murad, Aslanov Raiz, Məmmədağayev İlkin iştirak edirdi. Tədbiri məktəbin direktoru Faiq Məmmədov açıq elan etdi. Tədbirdə şagirdlərin ifasında şeirlər, mahnı və rəqslər ifa olundu. Qazilər öz döyüş xatirələrindən, döyüş yollarından danışdılar. Diləfruz Ana I Qarabağ müharibəsində keçdiyi döyüş yolundan danışdı.
Biz bir daha əmin olduq ki, Azərbaycan ordusu qalibdir, yenilməzdir. Allah bütün şəhidlərimizə rəhmət eləsin! Qazilərimizə cansağlığı versin.
Qarabağ Azərbaycandır!
