Məktəblilər Heydər Əliyev Mərkəzində
2023-cü il “Heydər Əliyev İli” çərçivəsində məktəbin fəaliyyət planına uyğun olaraq mütəmadi ekskursiyalar təşkil olunur.
Noyabrın 30-u məktəbin VIIIa və VIIIb sinif şagirdləri bir qrup müəllimlərin təşkilatçılığı ilə - Aida Əliyeva,Rumiyyə Səfərova,Pikəxanım Vəliyeva və Qalibə Zeynalova Heydər Əliyev mərkəzini ziyarət etmişlər.
Heydər Əliyev irsinin araşdırılması, təbliği və qorunması istiqamətində fəaliyyət göstərən Mərkəzin ən maraq doğuran bölümü Heydər Əliyev muzeyidir.
Üç mərtəbədən ibarət olan muzeydə şagirdlər ümummilli liderə aid maraqlı faktlar, foto və video materiallar, unikal eksponatlarla tanış olmuşlar.
Eyni zamanda “Azərbaycan inciləri: tarixin axarında”, “Milli musiqi alətləri”, ”Klassik avtomobillər”, ”İncəsənətdə kukla” adlı sərgilərə maraqla tamaşa etmişlər.
