"Ağdam şəhər günü və Kəlbəcər şəhər günü" adlı bədii tədbir
25.11.2023-cü il tarixində məktəbin illik fəaliyyət planına uyğun olaraq “Heydər Əliyev İli” çərçivəsində 20 noyabr “Ağdam şəhər günü və 25 noyabr Kəlbəcər şəhər günü” adlı bədii tədbir keçirildi. Tədbir məktəbin təşkilatçısı Yeganə İsmayılovanın təşkilatçılığı ilə keçirildi. Tədbirdə iştirak edən VII, VIII sinif şagirdləri Kəlbəcərin zəngin təbiəti, füsunkar gözəlliyi, təbii bulaqları haqqında şeirlər və məlumatlar söylədilər. Məktəbin “İnci” xor dərnəyinin üzvləri Xudayar təsnifini ifa etdilər. Tədbirin sonunda məktəbin direktoru Faiq Məmmədov Ağdam və Kəlbəcər rayonlarının tarixi, coğrafiyası və zəngin təbiəti haqqında şagirdləri məlumatlandırdı.
