"İdmansevərlər" layihəsi çərçivəsində Dama oyunu keçirildi
Strateji oyun növü olan Dama oyunu məktəbimizin şagirdləri tərəfindən sevilən stolüstü idman növüdür. Çünki informasiyaya əsaslanan oyun qrupuna daxil olan bu idman növündə oyun strategiyası işlətməklə şansdan asılı olmayaraq qalib olmaq şagirdləri çox cəlb edir. Məktəbin idman müəllimi Səidova Bellanın təşkilatçılığı ilə mütəmadi olaraq Dama yarışları keçirilir. "İdmansevərlər" layihəsi çərçivəsində 14.11.2023-cü il tarixində məktəbin VIII və IX sinif şagirdləri arasında Dama oyunu keçirildi. Gərgin və maraqlı keçən oyunun ardından qalib komandaya təltifnamə, rəqib komandaya isə həvəsləndirici mükafatlar təqdim olundu. Şagirdlər növbəti yarışı səbirsizliklə gözlədiklərini bildirdilər.
