“Son zəng”
İyun ayının 14-də məktəbdə “Son zəng” tədbiri keçirildi. Tədbirdə XIa, XIb, XIc, XIç sinif şagirdlərinin hazırladığı musiqi nömrələri və digər səhnəciklər nümayiş etdirildi. Şagirdlərin vətənpərvərlik mövzusunda çıxışları xüsusilə təqdirə layiq idi. Buraxılış imtahanlarında yüksək nəticə göstərən şagirdlərə məktəb rəhbərliyi tərəfindən təşəkkür elan edildi. Məktəbin direktoru Faiq Məmmədov tədris ili ərzində fərqlənən pedaqoji işçiləri “Təşəkkürnamə” ilə təltif etdi. Onlara gələcək fəaliyyətlərində uğurlar arzuladı. “Son zəng” tədbiri vətənpərvərliklə bağlı musiqilərin sədaları altında başa çatdı.
