"Gülüşünüz dünyaya bəzəkdir"
Uşaqlar bizim gələcəyimizdir və ölkəmizin gələcəyi onların əlindədir. Onların müdafiəsinə hamılıqla qoşulmaq bizim borcumuzdur. Bu devizi dəstəkləyən məktəbimizin ibtidai sinif müəllimləri direktor müavini Aida Əliyevanın rəhbərliyi ilə 1iyun tarixində "Gülüşünüz dünyaya bəzəkdir" adlı bayram şənliyi təqdim etdilər. Şənliyi şagirdlərin ifasında rəngarəng rəqslər və mahnılar bəzədi. Müxtəlif ölkələrin milli geyimlərində olan şagirdlər birlik-bərabərlik və sülhü tərənnüm edirirdi. Milli ruhda ifa olunan, dövlətimizin qüdrətini, inkişaf və tərəqqisini tərənnüm edən çıxışlar göz oxşayırdı.Tədbirdə təbrik nitqi ilə çıxış edən məktəbin direktoru Faiq Məmmədov uşaqlara xoşbəxt, firavan böyüməyi, dərslərində nailiyyətlərinin çox olmasını arzuladı, eyni zamanda öz hüquqlarını yaxşı bilmələrini tövsiyyə etdi. Direktor müavinləri Raziyə Məmmədova, Yeganə İsmayılova da şagirdlərə xoş arzularını bildirdilər.Tədbir "Dostluq himni" mahnısı ilə yekunlaşdı.
