“Vətəni sevməyi Səndən öyrəndik”
May ayının 13-də məktəbin ibtidai sinif müəllimi Samirə Novruzovanın təşkilatçılığı ilə 4b sinif şagirdlərinən Ümumilli Lider Heydər Əliyevin 100 İllik yubileyinə həsr olunmuş “Vətəni sevməyi Səndən öyrəndik” adlı tədbir keçirilib. Tədbir Dövlət Himninin səsləndirilməsi, Ulu Öndər Heydər Əliyev, Zərifə Əliyeva və Vətən uğrunda canlarını qurban vermiş şəhidlərin əziz xatirəsinin bir dəqiqəlik sükutla yad edilməsi ilə başlayıb. Tədbirdə məktəbin direktoru Faiq Məmmədov, təlim-tərbiyə işlər üzrə direktor müavinləri: Raziyyə Məmmədova və Aidə Əliyeva, təşkilatçı Yeganə İsmayılova iştirak ediblər. Məktəbin direktoru Faiq Məmmədov Ulu Öndərin Vətənimizin müstəqilliyi, bütövlüyü uğrunda yorulmaz fəaliyyətinin bu gün yetişməkdə olan gənc nəslə örnək olduğunu bildirib. Tədbirdə 4b sinif şagirdlərinin ifasında Ümummilli Lider Heydər Əliyevə, Zərifə Əliyevaya və vətənpərvərlik mövzusuna həsr olunmuş şeirlər səsləndirilib,mahnılar ifa olunub, ədəbi-bədii kompazisiyalar nümayiş etdirilib.
