"Ana dilimiz ölən deyil“
“Məktəbin illik fəaliyyət planı” na uyğun olaraq məktəbin ibtidai sinif müəllimləri Təranə Müsadirovanın, Ruhiyyə Kərbalayevanın təşkilatçılığı ilə 4e və 4d siniflərində "Ana dilimiz ölən deyil “ adlı tədbiri keçirildi.
Tədbir Azərbaycan Dövlət Himni ilə başladı və Qarabağ müharibəsində canından keçmiş şəhidlərin və qardaş Türkiyədə baş vermiş zəlzələdə həlak olmuş insanların xatirəsi bir dəqiqəlik sükutla yad edildi.
Ümummilli Liderimiz Heydər Əliyevin Ana dili haqqında fikirləri səsləndi və şagirdlərin ifasında şeirlər söyləndi, mahnılar ifa olundu, səhnəciklər və rəqs nümunələri nümayiş etdirildi.
Sonda məktəbin direktoru Faiq Məmmədov Ana dilinin yaranma tarixi haqqında şagirdlərə məlumat verdi. Məqsəd şagirdlərə Ana dilini sevdirməkdən Ana dilinin saflığını qoruyub onu gələcək nəsillərə ötürməkdən ibarətdir.
