8 Noyabr - Zəfər Günü
Noyabr ayının 4-də məktəbdə Zəfər Günü münasibətilə "İnci" musiqi dərnəyinin üzvləri müxtəlif çıxışlar ediblər. Dərnəyin kiçik tədbirində təlim-tərbiyə işləri üzrə direktor müavini Aida Əliyeva, UBTR-i Samirə Həsənova, məktəbin psixoloqu Könül İbrahimova və metodbirləşmə rəhbərləri iştirak etdi. İlk öncə dərnək üzvlərinin ifasında Azərbaycan Respublikasının Dövlət Himni səsləndi. Daha sonra 8 d sinif şagirdi Nəsirzadə Zeynəb B.Nəsibovun "Qarabağ" mahnısını ifa etdi. Xor kollektivinin ifasında isə "Xudayar tesnifi", P. Bülbüloğlunun "Şən Azərbaycan", E.Sabitoğlunun "Azərbaycan", C.Cahangirovun "Cənnətim Qarabağ" mahnıları səsləndi.
