Ceyhun Hacıbəylinin 125 illik yubileyi keçirildi
Məktəbdə Ceyhun Hacıbəylinin 125 illik yubileyi keçirildi. Tədbirdə Ceyhun bəyin keçdiyi ömür yolundan bəhs edildi. Şagirdlər onun ömür yolunu vərəqləyərək publisist, ilk "Azərbaycan” qəzetinin redaktoru kimi fəaliyyətini işıqlandırmış onun həyatını əks etdirən vidio görüntüləri izlədilər. Şagirdlərin çıxışları dinlənildi. Sonda məktəbin direktoru X.Abbasov Ceyhun Hacıbəylinin 125 illik yubileyi haqqında məlumat verdi o bildirdi ki Ceyhun Hacıbəyli dahi Üzeyir bəyin qardaşıdır.Ceyhun bəy mühacirətdən əvvəl "Kaspi", "Proqres", "Bakı", "Azərbaycan" və başqa qəzetlərdə yüzlərlə publisistik məqalə, hekayə dərc etdirib. Həmin dövrdə "İttihat" və "Azərbaycan" (rus dilində) qəzetlərinin redaktoru olub. Ceyhun bəy Fransada yaşayarkən "La Revul du Mond Müsulman", "La Fiqaro" kimi mətbu orqanlarla əməkdaşlıq edib, "La Revul des Deux Mende" adlı jurnallarda çalışıb, Parisdə fransız dilində nəşr olunan "Qafqaz" və Münhendə Azərbaycan dilində çıxan "Azərbaycan" jurnalının redaktoru olub. "Azadlıq" radiostansiyasının yaradıcılarından sayılan Ceyhun Hacıbəyli Münhendəki "SSRİ-ni Öyrənən Universitetin" müxbir üzvü seçilib.Ceyhun bəy Hacıbəyli 1962-ci ildə dünyasını dəyişib. Parisdə dəfn olunub.
