"Zəfərin Mübarək Azərbaycan"
UBT rəhbəri Aynur Piriyevanın və musiqi müəllimi Elnurə Rzayevanın təşkilatçılığı ilə "Zəfərin Mübarək Azərbaycan" adlı tədbir təşkil edilib. Tədbirdə ilk öncə Azərbaycan Respublikasının ərazi bütövlüyü uğrunda gedən döyüşlərdə həlak olan şəhidlərimizin ruhu 1 dəqiqəlik sükutla yad edilib, sonra Azərbaycan Respublikasının Dövlət Himni səsləndirilib. Tədbir iştirakçıları şagirdlərin hazırladıqları səhnəcikləri, söylədikləri şeirləri maraqla izləyib, alqışlayıblar. Tarix müəllimi Lalə Babayevaya çıxış edərək Azərbaycanın tarixinə qızıl hərflərlə yazılmış “Zəfər Günü” barədə şagirdlərə ətraflı məlumat verərək, bildirdi ki, vətən müharibəsində qəhrəman ordumuz cənab Ali Baş komandan İlham Əliyevin rəhbərliyi ilə yeni səhifə yazaraq, tariximizdə silinməz izlər buraxdı. Məktəbin direktoru Nazəni Məmmədova hazırlanan gözəl tədbirə görə bütün kollektivə təşəkkürlərini bildirərək hər zaman şagirdlərin belə vətənpərvər ruhda tərbiyələndirmələrini dilədi.
