68 №-li tam orta məktəb

Bu gün məktəbin coğrafiya müəlliməsi Cavadlı Kərimova Ülkər tərəfindən 7 A sinfində “Planetlərin qruplaşdırılması” mövzusunda nümunəvi dərs keçirilib. Uşaqlar kiçik qruplara bölünərək əməkdaşlıq, dinləmə qabiliyətlərini nümayiş etdirərək həmdə mövzunu mükəmməl mənimsəyiblər. Nümunəvi dərsdə məktəb rəhbərliyi  və metodbirləşmə sədri də iştirak edib. 

Aşıq Ələsgər -200 şeir müsabiqəsi

           27 oktyabr 2021- ci ildə məktəbimizin akt zalında Aşıq Ələsgərin 200 illiyi yubleyi ilə əlaqədar olaraq şeir müsabiqəsi keçirilib.

           Müsabiqənin əsas məqsədi ustad sənətkarın həyat və yaradıcılığı, Azərbaycan folkloru və xalq ədəbiyyatının mühüm hissəsi olan aşıq sənəti ilə tanış etmək, xüsusi istedada malik uşaqları üzə çıxarmaq, onların bədii –estetik zövqünü formalışdırmaq və yaradıcılıq səviyyələrinin yüksəldilməsinə dəstək verməkdir.

           Müsabiqədə VII,VIII,IX sinif şagirdləri iştirak etmişdir. Aşıq yaradıcılığının müxtəlif janrlarına müraciət edərək nümunələr söyləmişlər.

          Müsabiqə nəticəsində I,II və III yerlər müəyyənləşdirilmişdir.

         Birinci yerin qalibi 8 b sinif şagirdi Nağıyeva Nəzrin, şəhər müsabiqəsinə göndərilməyə layiq görülmüşdür.

“Aşıq Ələsgər və Azərbaycan folkloru” mövzusunda yaradıcılıq müsabiqəsinin məktəb mərhələsi davam edir.

Ümumi təhsil məktəblərinin VII-X sinif şagirdləri arasında təşkil olunan müsabiqənin I mərhələsində (məktəb mərhələsində) hər məktəbdən nominasiyalar üzrə ən yaxşı şeir, mahnı ifaçıları və yaradıcı iş müəllifləri seçilərək onlar barədə məlumat [email protected]  elektron ünvanına göndərilir.

Müsabiqənin I mərhələsi 1 noyabr 2021-ci il tarixinədək davam edəcək.

Qeyd edək ki, iki mərhələdən ibarət müsabiqə “Şeir”, “Mahnı” və “Yaradıcı iş” olmaqla 3 nominasiya üzrə keçirilir. Hər bir iştirakçı müsabiqəyə yalnız bir nominasiya üzrə qatıla bilər.

2–25 noyabr 2021-ci il tarixlərində keçiriləcək müsabiqənin II-şəhər mərhələsində qaliblər Münsiflər heyəti tərəfindən müəyyənləşdiriləcək.

Müsabiqənin final mərhələsində hər nominasiya üzrə 1 nəfər I, 1 nəfər II, 1 nəfər isə III yer olmaqla, ümumilikdə 9 şagird qalib kimi müəyyənləşdiriləcək. Həmçinin müsabiqənin nominasiyaları üzrə 5 nəfər həvəsləndirici yerə layiq görüləcək, 15 şagirdə isə fəal iştiraka görə “Tərifnamə” təqdim olunacaq.

Qaliblərə BŞTİ tərəfindən diplom və hədiyyələr veriləcək, şagirdləri müsabiqəyə hazırlaşdıran müəllimlər isə “Tərifnamə” ilə təltif ediləcək.

Müsabiqənin əsas məqsədi təhsil  nazirinin əmri ilə  təsdiq  olunmuş  “Aşıq  Ələsgərin 200 illik  yubileyinin  qeyd  edilməsi  ilə  bağlı  Təhsil  Nazirliyinin Tədbirlər Planı”nın icrasını təmin etmək,  təhsilalanları ustad sənətkarın həyat və yaradıcılığı, Azərbaycan folkloru və xalq ədəbiyyatının mühüm hissəsi olan aşıq sənəti ilə tanış etmək, xüsusi istedada malik olan şagirdləri üzə çıxarmaq, onların bədii-estetik zövqünü formalaşdırmaq və məktəblilərin yaradıcılıq səviyyələrinin yüksəldilməsinə dəstək verməkdən ibarətdir.

    STEAM layihəsi çərçivəsində 07.10.2021-12.10.2021-ci il tarixlərində təşkil edilmiş STEAM təlimində məktəbimizin rəhbəri heyəti və müəllimlərimiz də iştirak edib. Təlimin keçirilməsində  məqsəd layihənin incəliklərini izah etmək və müəllimləri bu haqda maarifləndirmək olub. Təlimdə iştirak edən müəllimlərimiz təlimləri uğurla başa vurub.

    Tarix müəllimi Tatyana Şaronina 6 "B" sinfində nümunəvi dərs keçirib. Dərsin mövzusu "Qədim Misir dövləti" olub. Dərsdə Misir dövlətinin əhalisindən, ərazisindən, inanclarından bəhs olunub. Məktəb rəhbərliyindən direktor müavini Şəbnəm Mirzəliyeva, metodbirləşmə sədri Lalə Babayeva nümunəvi dərsdə iştirak ediblər. Sonda dərs haqqında fikirlərini səsləndiriblər.