"Vulkanlar" ümumiləşdirici dərs
"Yaşıl dünya naminə həmrəylik ili" elan edilməsi ilə əlaqədar olaraq tədbirlər planına əsasən açıq havada dərslərin keçirilməsi davam etdirilir. Bu məqsədlə təbiət müəllimləri Mirzəliyeva Şəbnəm və Eyubova Esmira tərəfindən 5a və 5b sinif şagirdləri ilə "Vulkanlar"(ümumiləşdirici dərs) mövzusunda praktik dərs təqdim ediblər. Dərs açıq havada təşkil edilib. Vulkan püskürməsinə və maqmanın axmasına aid təcrübə aparılaraq vulkanların yaranma səbəbləri, vulkan püskürmələrinin ətraf aləmə müsbət və mənfi təsirləri və vulkanların fəaliyyətinə görə növləri araşdırılmışdır.
