Heydər ili adlı rəsm müsabiqəsi
Bugün Bakı Gənclər Mərkəzinin qarşısında yerləşən istirahət parkında Sabunçu Rayon İcra Hakimiyyəti və Azərbaycan Rəssamlar İttifaqının birgə təşkilatçılığı, Sabunçu rayon bələdiyyələrinin dəstəyi ilə Ümummilli lider Heydər Əliyevin anadan olmasının 100 illik yubileyi və 2023-cü il "Heydər Əliyev İli" ilə əlaqədar Bakı şəhəri, Sabunçu rayon məktəbliləri arasında “Azərbaycan mənim ürəyimdir!” mövzusunda rəsm müsabiqəsinin mükafatlandırma mərasimi keçirildi.
Rəsm müsabiqəsinin məqsədi yetişməkdə olan gənc nəslin nümayəndələrinə Heydər Əliyev irsini, məfkurəsini aşılamaq, mübarizliyi, əzmkarlığı, uzaqgörənliyi gənc rəssamlarımızın düşüncəsində, baxışlarında, təfəkküründə və ürəklərində necə gördüklərini nümayiş etdirib sərgiləməkdir.