"Ana dilimizi qoruyaq" adlı tədbir
21 Fevral Beynəlxalq Ana Dili Günüdür. Bununla bağlı Kiçik Akademiyasının Azərbaycan dili və ədəbiyyatı kafedrasının müəllimi Günel Zeynalova və Kiçik Akademiya rəhbəri Nigar Abasovanın təşkilatçılığı ilə akademiya üzvləri arasında "Ana dilimizi qorumaq və inkişaf etdirmək hər bir azərbaycanlının müqəddəs borcudur" adı altında tədbir təşkil olunub. Tədbirdə dilimizdə işlənən alınma sözlərin qarşılığı olaraq milli sözlərimizdən istifadəyə önəm verilməsi ilə bağlı şüarlar səsləndirilib.
Milli sərvətimiz, varlığımızın və bütövlüyümüzün təcəssümü, təsdiqi olan ana dilimizi qorumaq, bütün gözəllikləri və incəlikləri ilə gənc nəslə ötürmək hamımızın borcudur.
