31 Mart soyqırımı
Məktəbimizin azərbaycan dili müəllimi Məlahət Nəcəfovanın təşkilatçılığıyla 31 Mart - Azərbaycanlıların Soyqırımına həsr edilmiş nümunəvi dərs keçirilib. Öncə faciə qurbanlarının xatirəsi bir dəqiqəlik sükutla yad edilib. Məktəbin təlim tərbiyyə işləri üzrə direktor müavini Şəbnəm Mirzəliyeva qeyd edib ki, 1918-ci ilin martında ermənilər minlərlə vətəndaşımızı qanına qəltan edib, şəhər, rayon və kəndlərimizi xarabazara çeviriblər. Ən dəhşətlisi o idi ki, uşaq, yeniyetmə və gənclərimiz milli mənsubiyyətlərinə görə qətlə yetirildilər.
UTB rəhbəri Aynur Piriyeva çıxış edərək ermənilərin məkrli siyasətlərini, erməni vəhşiliklərinin törətdiyi cinayətlər pisləyib. Şagirdlər rəsmi mənbələrə əsasən 31 Mart Soyqırımı nəticəsində 12 minə yaxın azərbaycanlının qətlə yetirildiyini, on minlərlə insanın itkin düşdüyünü öz hazırladıqları bukletlərdə fikirlərini izah ediblər.