Akademik Zərifə Əliyevanın anadan olmasından 102 il ötür
Bu gün görkəmli oftalmoloq-alim, bütün həyatı boyu ona pənah gətirənlərin gözlərinə şəfa verən Akademik Zərifə Əliyevanın anadan olmasının 102-ci ildönümüdür.
Bu dünyaya insanlara nur paylamaq, xeyirxahlıq etmək üçün gəlmişdir Zərifə xanım Əliyeva. Onun ömür yolu gələcək nəsillərin həyatına işıq saçır, xalqa tükənməz bir xəzinə bəxş edir. O, günəş qədər parlaq ürək sahibi, yüksək mənəviyyat, daxili zənginlik simvolu idi. Qəlbini şam kimi əridib ondan xeyirxahlıq, işıq umanların yoluna nur çiləmək üçün yaradılmışdı Zərifə xanım Əliyeva. Zərifə xanım Əliyeva, eyni zamanda müstəqil Azərbaycan dövlətinin memarı və qurucusu, bütün mənalı ömrünü Vətəninin və xalqının tərəqqisinə həsr etmiş dahi şəxsiyyətin - Ümummilli lider Heydər Əliyevin vəfalı ömür-gün yoldaşı, sədaqətli dostu və etibarlı silahdaşı olmuşdur.
Bu gün məktəbin tarix müəllimi Şəhla Səlimova 9 c sinfi ilə birlikdə görkəmli alim Zərifə xanımı böyük sevgi və ehtiramla xatırladı..
