57 № li tam orta məktəb

Məktəbin 3A sinfində “Beynəlxalq  Smaylik Günü “ münasibətilə tədbir keçirildi. Uşaqlar hər bir smaylikə (yəni güləyən ,qaşqabaqlı) öz münasibətlərini səhnəcik vasitəsilə bildirdilər.

     Sonda  uşaqlar qeyd etdilər ki, güləyən smayliklər insanın ruhunu oxşayır. Əhval - ruhiyyəni gözəlləşdirir.

     İnsana gülmək yaraşır.

     Ulu öndər Heydər Əliyevin uğurlu siyasətinin bariz nümunələrindən biri də neft strategiyası idi.

Bu strategiyanın əsasında Bakı-Tibilisi Ceyhan boru neft kəməri çəkildi,18 sentyabrda bu kəmər işə salındı.

    Bu boru kəmərinin çəkilişi Azərbaycanın siyasi və iqtisadi mövqeyini möhkəmlətdi. Azərbaycan regionda lider dövlətlərdən birinə çevrildi. Bu Azərbaycanın tanınmasında mühüm addımlardan idi.

    Bakı-Tibilisi Ceyhan neft kəmərinin çəkilməsi ilə bağlı bu gün məktəbimizin tarix müəllimi Tanırverdiyeva Aybəniz 6A sinfində təqdimat keçirdi. Məqsədimiz şagirdləri tarixini mükəmməl bilən vətəndaşlar kimi yetişdirməkdir.

     Bu gün məktəbə ilk addımlarını atan birincilərin məktəblə tanışlıq məqsədilə ekskursiyası təşkil olunub.1A sinfinin şagirdlərinin tədrisə hazırlıqlı başlaması, onlarda məktəb haqqında müəyyən təsəvvürlər yaratmaq üçün məktəbin kitabxanası, yeməkxanası, tibb otağı, sinif otaqları, foyesində təşkil olunmuş mütaliə guşəsi ilə tanışlığı onlarda böyük maraq doğurdu. Məktəbimiz adını daşıyan şəhid T.İ.Həsənovun büstü ziyarət edildi, sinif müəllimi İlhamə İsgəndərli şəhidimiz haqqında şagirdlərə geniş məlumat verdi. Məktəbin direktoru Gülnarə Cəfərova, direktor müavini  Aidə Kələntərova, təşkilatçı müavin Dilbər Rzayeva, məktəblinin dostları uşaqları böyük  səmimiyyətlə qarşıladılar. Körpə fidanlar dəhlizdə nümayiş olunan əl işləri ilə tanış oldular. Bəzi otaqlarda az müddətdə dərs prosessini izlədilər. Bu tanışlıq şagirdlərin məktəb həyatına daha tez adaptasiyasına, dövlətin yaratdığı təhsil imkanlarından bərabər istifadənin təmin edilməsini anlamağa xidmət edir.  

Yeni tədris ilində ilk dərs məşğələsi ibtidai siniflərdə “İdman və sağlamlıq”, V-IX siniflərdə “Mütailə-mənəvi zənginliyə aparan yol”, X-XI siniflərdə isə “Azərbaycan inkişaf yollarında” mövzularına həsr olunub.

Təhsil nazirinin müvafiq əmrinə əsasən, keçirilən dərslərdə ictimaiyyət nümayəndələri, müharibə iştirakçıları, əmək veteranları və sabiq məzunları iştirak edib.

“Ümumi təhsil sahəsində 2018-2019-cu dərs ilinin prioritet fəaliyyət istiqamətləri barədə” əmrə əsasən, dərslər pedaqoji və şagird heyəti tərəfindən Dövlət himninin ifası ilə başlanıb.

Dərs zamanı ibtidai siniflərdə müəllimlər şagirdlərə sağlam həyat yaşamaq üçün idmanla məşğul olmağın faydaları barədə ətraflı məlumat veriblər. V-IX siniflərdə şagirdlərin mənəvi aləminin zənginləşməsində, dünyagörüşünün və bilik dairəsinin genişlənməsində mütaliənin mühüm rol oynadığından söhbət açılıb. Yuxarı siniflərdə isə Azərbaycanın keçdiyi inkişaf yollarından bəhs edilib.

Qeyd edək ki, ilk dərslərin bütün ümumi təhsil məktəblərində vahid mövzulara həsr olunması şagirdlərin tədris ilinə daha fəal başlamasına və səmərəli müzakirə mühitinin təşkilinə imkan verir.

Paytaxtın ümumi təhsil məktəblərində “Bilik günü” qeyd olunub.

Tədbirlərdə Bakı Şəhəri üzrə Təhsil İdarəsinin (BŞTİ) rəhbərliyi və əməkdaşları, yerli icra hakimiyyəti orqanlarının, ictimaiyyətin nümayəndələri, müəllimlər, sabiq məzunlar, valideynlər, şagirdlər, tanınmış təhsil və incəsənət xadimləri iştirak ediblər.

Azərbaycan Respublikasının Dövlət himninin səsləndirilməsi ilə başlayan tədbirlərdə müəssisə rəhbərləri çıxış edərək yeni tədris ilində qarşıya qoyulan məqsədlərdən, təhsil sahəsində aparılan islahatlardan söz açıb, məktəb məzunlarının qəbul imtahanlarındakı uğurlarından bəhs ediblər.

“Bilik günü”ndə iştirak edən BŞTİ-nin nümayəndələri və qonaqlar yeni dərs ilinin başlanması münasibətilə məktəbliləri, valideynləri və müəllimləri təbrik edib, onlara uğurlar arzulayıblar.

Bildirilib ki, ilk dərs məşğələsinin ibtidai siniflərdə “İdman və sağlamlıq”, V-IX siniflərdə “Mütailə-mənəvi zənginliyə aparan yol”, X-XI siniflərdə isə “Azərbaycan inkişaf yollarında” mövzularına həsr olunması şagirdlərin tədris ilinə daha həvəslə başlamasına şərait yaradır.

Sonra məktəblilərin iştirakı ilə mahnılar və rəqslərdən ibarət konsert proqramı nümayiş etdirilib.

Qeyd edək ki, yeni tədris ilində BŞTİ-nin tabeliyində fəaliyyət göstərən ümumi təhsil müəssisələrində ümumilikdə, 414 844 şagird təhsil alacaq. BŞTİ-nin tabeliyindəki ümumi təhsil məktəblərinin IX sinfində 32 315, X sinfində  22 795, XI sinfində 18 896, XII sinfində 198 şagird təhsil alacaq.

Paytaxt məktəblərinin I sinfinə qəbul üçün 48 000-dən çox şagird elektron qeydiyyatdan keçib.