Milli Qəhrəman Elşad Yəhyayevin doğum günü münasibətilə anım və vətənpərvərlik tədbiri keçirildi
“ Konstitusiya və Suverenlik ili” çərçivəsində “7-dən 17-yə vətənpərvər! layihəsinin keçirilməsi barədə 5 may 2025 –ci il tarixində məktəbimizin adını daşıyan Milli Qəhrəman Elşad Yəhyayevin doğum günü münasibətilə anım və vətənpərvərlik tədbiri keçirildi. Tədbirdə məktəbin müəllim və şagird kollektivi, şəhidin ailə üzvləri iştirak etdilər.Əvvəlcə şəhidlərin əziz xatirəsi bir dəqiqəlik sükutla yad olunub. Daha sonra şagirdlər Elşad Yəhyayevin qəhrəmanlıq yolundan, onun Vətənə olan sonsuz sevgisindən və fədakarlığından danışdılar. Qeyd olunub ki, Elşad Yəhyayev öz canı bahasına torpaqlarımızın azadlığı uğrunda döyüşüb və gələcək nəsillərə əsl vətənpərvərlik nümunəsi göstərib.
Məktəbin şagirdləri şəhidin xatirəsinə həsr olunmuş şeirlər söylədi,hərbi fləşmob nümayiş etdirdilər.Sinif təşkilat saatlarında şəhidimizə həsr olunmuş açıq dərs keçirildi və Elşad Yəhyayevin həyat və döyüş yolunu əks etdirən film nümayiş olundu.Tədbirin sonunda iştirakçılar Elşad Yəhyayevin büstü qarşısına gül dəstələri qoyaraq xatirəsini ehtiramla yad etdilər.
