56 №-li tam orta məktəb

     Məktəbimizin müəllim və şagird kollektivi şəhidlərimizi və onların bizə əmanət qoyduqları ailələrində unutmadilar. Şəhidlərimizin ailələrini ziyaret etmişlər.

 17.03.2023-cü il tarixdə məktəbimizdə Bahar bayrami qeyd olunmuşdur. Bayram şənlikləri siniflərdə və məktəbin foyesində keçirildi. Şagirdlər Novruz bayramına aid mahnılar oxuyub, şeirlər söyləyib, maraqlı səhnəciklər nümayiş etdiriblər. Şagirdlərin ifasında milli rəqslər, xalq oyunları, Keçəl və Kosanın məzəli əhvalatları, Bahar qızının gəlişi tədbirə rəngarənglik qatdı. Məktəbimizin müəllim və şagird kollektivi xalqimizi Novruz bayrami münasibəti ilə təbrik etdilər.

14 mart 2023-cü il tarixində məktəbin Biologiya müəllimi Sənubər Süleymanova və Coğrafiya müəllimi Aynur Mirzənmədovanın “Su həyatdır” mövzusunda tədbiri keçirilmişdir. Məktəbin 7A sinif şagirdi Tarverdili Zəhra “Zəmzəm suyunun sirri və möcüzəvi xüsusiyyətləri”, Abbaslı Əli  “Tarixdə su ilə əlaqədar faktlar”, 9B sinif şagirdləri Bəşirzadə Dəniz, Bəşirzadə Səma  “Azərbaycanın mineral suları və onların təbiətdə əhəmiyyəti”, Musayeva Əsmər  “Dünyada su qıtlığı” mövzularında araşdırma aparmışlar. Həmçinin məktəbin digər şagirdləri də tədbirdə fəal iştirak etmiş, öz araşdırma və nəticələrini bölüşmüşlər.

11.03.2023-cü il tarixində Heydər Əliyev Mərkəzində keçirilən Xüsusi Qayğıya Ehtiyacı Olan İnsanlar üçün V Yubiley Konqresində məktəbimizin direktoru Könül Hüseynova və psixoloq Nigar Quliyeva iştirak etmişlər.

      Bakı Şəhəri üzrə Təhsil İdarəsi və Narkomanlığa və Narkotik vasitələrin qanunsuz dövriyyəsinə qarşı mübarizə üzrə Dövlət komissiyasının daimi fəaliyyət göstərən işçi qrupunun birgə təşkilatçılığı ilə Bakı Şəhəri məktəbliləri arasında keçirilən "Narkotiklərə qarşı mübarizə sağlam mühit və sağlam gələcəkdir" adlı rəsm müsabiqəsi keçirmişdir. Müsabiqədə məktəbimizin 9C sinif şagirdi Zümrüd Rzazadə  Xətai rayonu üzrə l  yerin qalibi olaraq diplomla təltif edilmişdir. İstedadlı şagirdimiz Zümrüdü ürəkdən  təbrik edir , ona uğurlar arzulayırıq.