"Ana Vətənim Azərbaycan" adlı tədbir keçirilib
Vüsalə Həsənovanın təşkilatçılığı və 1"C" sinif şagirdlərinin iştirakı ilə "Ana Vətənim Azərbaycan" adlı tədbir keçirilib. Tədbir Azərbaycan Respublikasının Dövlət Himni ilə başlayıb. Vətən müharibəsi şəhidlərinin xatirəsi 1 dəqiqəlik sükutla yad edilib. Ümummilli Lider Heydər Əliyevin söylədiyi "Mən fəxr edirəm ki, Azərbaycanlıyam" şüarının təqdimatla nümayiş olunması tədbirə bir canlanma gətirib. Şagirdlərin ifasında Azərbaycan haqqında şeir və mahnılar səsləndirilib. Sinif qızları milli rəqsimiz olan "Şuşanın dağları " və "Xarı bülbül" rəqsini ifa ediblər. Tədbir Azərbaycana həsr olunmuş videoçarxın nümayişi ilə başa çatıb.
