Pedaqoji şurasının növbəti iclası keçirilib
Dekabrın 9-da 2021-2022-ci tədris ilinin ikinci pedaqoji şura iclası keçirilib. Məktəbin direktoru Yaqut Kərimli kollektivi müzakirə ediləcək məsələlərlə tanış edib.
2021/2022-ci tədris ilinin sentyabr, oktyabr, noyabr aylarında pedaqoji kollektiv tərəfindən görülən işlərin müzakirəsi, ibtidai siniflərdə dərs dinləmələrin müzakirəsi, zəif oxuyan və xüsusi istedada malik şagirdlərlə işin təşkilinin vəziyyəti müzakirə olunub. II-IX siniflərdə keçirilmiş diaqnostik qiymətləndirmələrin nəticələrinin paralel siniflər üzrə statistik təhlili aparılmışdır. Eyni zamanda IX sinif şagirdlərinin buraxılış imtahanlarına hazırlığı, Respublika fənn olimpiadasının məktəb mərhələsinin nəticələri müzakirə olunmuşdur. Rəy və təkliflər dinlənilmiş, qərarlar qəbul edilmişdir.
