İşğaldan azad olunan ərazilərimizin birinci ildönümü ilə əlaqədar konfrans keçirilib
20 oktyabr tarixində “10b” sinif şagirdlərinin iştirakı ilə işğaldan azad olan ərazilərimizin birinci ildönümü ilə əlaqədar konfrans keçirilib. Konfransda Azərbaycan Respublikasının Prezidenti, Ali Baş Komandan İlham Əliyevin başçılığı ilə Müzəffər Ordunun 44 günlük şanlı "Zəfər Yolu"na nəzər salınıb, igid əsgərlərimizin rəşadətlə vətən torpağı uğrunda canlarından keçdikləri qürurla vurğulanıb. Təqdimatları ilə çıxış edən Quliyev Murad, Babayeva Zeynəb, Mehdiyeva Xanım qeyd ediblər ki, bütün dünya Azərbaycanın qüdrətini, prezidentimizin qətiyyətini, Azərbaycan xalqının sarsılmaz birliyini gördü. Əliyeva Selcan, İsmayılov Nihad, Səfərli Nərmin və Həsənov Əkbər qədim Azərbaycan torpaqları olan Zəngilan, Qubadlı rayonlarının tarixi, mədəniyyəti, memarlıq abidələri ilə bağlı maraqlı çıxışlar ediblər. Sonda azad olunan torpaqlarımızda, Qarabağda aparılan təmizləmə və quruculuq işləri haqqında məlumat verilib, müvafiq mövzularda slaydlar və videoçarx nümayiş olunub.
