Yer kürəsinin ad günü
22 aprel 2019-cu il tarixində 53№-li tam orta məktəbin Akt zalında ümumdünya Yer günü münasibətilə "Yerin ad günü" qeyd edildi.Tədbir məktəbin coğrafiya müəllimi Vəfa Süleymanovanın təşkilatçılığı, BDU-nun coğrafiya fakültəsinin təcrübəçi tələbələri,Kiçik Akademiya və məktəbin VII"ç", VII"d", VII"e", VIII"a", VIII"b", VIII"c" sinif şagirdlərinin iştirakı ilə həyata keçirildi.
Şagirdlərin simasında Günəş sistemi planetləri və Yer kürəsinin materiklərinin obrazı yaradıldı.Maraqlı səhnələr "Kim? Nə? Harada?" bilik yarışması ilə növbələşdi. Məktəb "Kiçik Akademiya"nın prezidenti Orxan Vəliyev yarışın qalıblərini və akademiya fəaliyyətə başladığı gündən çox böyük elmi-ictimai fəallıq göstərdiyi üçün Vəfa Süleymanovanı məktəb rəhbərliyi və "Kiçik Akademiya"nın adından fəxri fərmanlarla təltif etdi.
Tədbiri maraqlı slaydlar, istedadlı şagirdlərin musiqi nömrələri nümayiş olundu. Həmçinin istedadlı şagirdlərin düzəltdikləri rəsmlər də maraqla izlənildi.
Sonda məktəbin direktoru Firəngiz Həsənova və BDU-dan qonaq qismində dəvət olunmuş professor və müəllim heyətinin çıxışları ilə yadda qaldı.
