Aprelin 4 -də Yasamal rayon Heydər Əliyev Mərkəzinə növbəti ekskursiya keçrildi
Aprelin 4-də Yasamal rayonunda yerləşən 53 saylı tam orta məktəbin şagirdləri Yasamal rayon Heydər Əliyev Mərkəzinə ekskursiya təşkil etdilər. Şagirdlər Mərkəzin “Muzey” və “Kitabxana və İnformasiya Texnologiyaları” bölmələri ilə tanış oldular. Burada onlara Mərkəzin bələdçiləri tərəfindən Azərbaycan xalqının ümummilli lideri Heydər Əliyevin şərəfli ömür yolu, ölkəmizin tərəqqisi uğrunda göstərdiyi çox saylı xidmətləri özündə əks etdirən eksponat, fotoşəkillər və kitablar haqqında ətraflı məlumat verildi.
Sonra mərkəzin “Salnamə” bölməsində Yasamal rayon Heydər Əliyev Mərkəzinin Baş fond mühafizi Azər Zeynalzadə hərb tariximizdə yeni bir səhifə açmış Aprel döyüşləri haqqında məruzə ilə çıxış etdi.
Aprel döyüşlərində şəhid olan qəhrəmanların ruhu 1 dəqiqəlik sükutla yad edildi.
Sonda “Aprel döyüşləri tariximizin şanlı səhifələridir” adlı sənədli film nümayiş olundu.
