Heydər Əliyev Mərkəzi
31 oktyabr tarixində məktəbin 7b sinif şagirdləri sinif rəhbəri Səidə Sideifzadənin rəhbərliyi ilə Yasamal rayon Heydər Əliyev mərkəzinə ekskursiya etdilər. Ekskursiya zamanı şagirdlər mərkəzlə tanış oldular, ulu öndər Heydər Əliyevin həyat və fəaliyyəti ilə bağlı müxtəlif şəkillərə tamaşa etdilər. Onun müxtəlif illərdə etdiyi səfərlər, ölkədaxili fəaliyyəti və gördüyü işlər barədə çoxsaylı materiallarla tanış oldular. Muzey əməkdaşı şagirdlərə ulu öndərin siyasi fəaliyyəti, gördüyü işlər barədə müxtəlif məlumatlar verdi. Sonda şagirdlər onları maraqlandıran suallar verdilər.
