53 №-li tam orta məktəb

Gənc nəslin təhsilinə müstəqil dövlətimizin qurucusu, ümummilli lider Heydər Əliyev xüsusi önəm verərək “Təhsil millətin gələcəyidir”- demişdir. Prezidenti İlham Əliyev Ulu öndərin bütün sahələrdə olduğu kimi, təhsil sahəsində də işini uğurla davam etdirməkdədir. Ölkəmizdə təhsil sahəsində misli görünməmiş layihələr həyata keçirilir ki, bu da gənc nəslin intellektual səviyyəsinin inkişafını təmin edir. 2016-2017-ci tədris ilində 53№-li tam orta məktəbin uğurları da çox olmuşdur.Belə ki, Respublika Fənn olimpiadasında 11g sinif şagirdi Səfərova Qəmər coğrafiya fənni üzrə III yerə layiq görülmüşdür.Həmçinin , Səfərova Qəmər təhsildə göstərdiyi yüksək nəticələrə görə “Qızıl medal”a layiq görülmüşdür. 11g sinif şagirdi Nağdıyev Niyazi Bakı şəhəri üzrə keçirilən fənn olimpiadasında riyaziyyat fənni üzrəyüksək bal toplamışdır. “Təhsil ağlın simasıdır” müsabiqəsində iştirak edən 8g sinif şagirdi Şıxməmmədov Ruslan riyaziyyat fənnindən III yerə layiq görülmüşdür. "Sabahın alimləri" VI Respublika müsabiqəsində məktəbimizin X sinif şagirdi Bəhram Cəfərov da iştirak etdi. Mühəndislik katiqoriyası üzrə onun layihəsi yüksək qiymətləndirilərək III yerə layiq görülmüşdür. 7ç sinif şagirdi Seyidli Ayxan Lütfü Zadə adına məktəblərarası I məntiq Olimpiadasında II yerə layiq görülmüşdür. 9 Noyabr –Dövlət Bayrağı günü münasibəti ilə Bakı şəhərində yerləşən orta ümumtəhsil məktəblərinin şagirdləri arasında “Mənim bayrağım” mövzusunda keçirilən inşa yazı müsabiqəsinin qalibi Cəfərova Şəmsiyyə olmuşdur F.Köçərli adına Respublika Uşaq Kitabxanasının 9 noyabr 2015-ci ildə Azərbaycan Respublikasının Dövlət Bayrağı Günü münasibətilə “Bayrağımın rəngləri gözümüzə nur verir” adlı tədbir üçün elan olunmuş illustrasiyalı kitab müsabiqəsində “Oxucu seçimi” nominasiyasında IV yer tutduğuna görə məktəbimizin şagirdləri diplomla təltif olundu. Cəfərova Aydan 5b, Hüseynova Leyla 5c, Rufulla Nihad 6b, Əlizadə Xaliq 6ç 4d sinif şagirdi İsmayılova Nəzrin Firidun bəy Köçərli adına Respublika Uşaq Kitabxanasının keçirdiyi müsabiqədə "Ən yaxşı nağıl bilicisi" adına layiq görülmüşdür. Yasamal rayonu Gənclər və İdman İdarəsinin keçirdiyi 9 Noyabr- Azərbaycan Respublikasının Dövlət bayrağı gününə həsr olunmuş "Mənim bayrağım!" mövzusunda rayon tam orta məktəb şagirdləri arasında keçirilən rəsm müsabiqəsində 7f sinif şagirdi Məmmədov Əli II yerə və 3a sinif şagirdi Məmmədova Fidan III yerə layiq görülmüşdülər. Məktəbimizin şagirdləri Əhmədzadə Lalə, Hüseynova Sevgin, Məmmədov Fərid, Məmmədova Ləman,Əlizadə Zeynəb, Cəfərova Şəmsiyyə, Mustafayeva Aysel,Yasamal rayonu Gənclər Təşkilatının keçirdiyi "Müharibə uşaqların gözü ilə", "Ayrılarmı könül candan", "H.Əliyev daim qəlbimdə yaşayacaq" inşa yazı müsabiqələrində müxtəlif nominasiyalar üzrə II və III yerlərə layiq görülmüşlər. Məktəbin XI sinif şagirdi İsa Rəhimzadə Azərbaycan Televiziya kanalının 16 yanvar 2017-ci il tarixində yayımlanan “Əlaçı” verlişində böyük uğurla çıxış edərək yarışı ikinci olaraq başa vurmuşdur.18 iyun Xc sinif çagirdi Sevgin və Xa sinif şagirdi Mehri iştirak etdi. Sevgin yarışın qalibi olaraq finala vəsiqə aldı. Məktəbimizin uğurları idman sahəsində də olmuşdur. Belə ki, 8b sinif şagirdi Əliyev Azad Kamran oğlu Bakı şəhər Gənclər və İdman Baş İdarəsinin keçirdiyi 16 yaşadək yeniyetmələr arasında şahmat üzrə Bakı şəhər birinciliyində I yerə layiq görülmüşdür. Bakı şəhər Gənclər və İdman Baş İdarəsinin "Azərbaycan bayrağı" gününə həsr olunmuş Açıq Bakı Çempionatında 5c sinif şagirdi Jalə Xankişiyeva güləş üzrə III yerə layiq görülmüşdür. Ümummilli lider Heydər Əliyevin anadan olmasının 93-cü ildönümünə həsr olunmuş Respublika ümumtəhsil məktəbləri arasında keçirilən Futbol turnirində məktəbimizin komandası I yerə layiq görülmüşdür. Xf sinif şagirdi Rəhimov Ruslan İran Respublikasının Parsabat şəhərində yoldaşlıq kubokunda idmanın yunan-roma güləşi üzrə III yeri qazanıb. Həmçinin 02.01.2017-ci il tarixində Rusiya Federasıyasının Dağıstan Muxtar Respublikasının Xasavyurd şəhərində yunan-roma güləşi üzrə 58 kq çəki dərəcəsində II yeri tutmuşdur. Yasamal rayonu üzrə keçirilən Veloturnir yarışında məktəbimiz V yerə layiq görülmüşdür. İştirakçılar:İsmayılov Ramal-7b, Nəcəfov Rəsul-7b, Qasımov Ramil-7b, Behbudova Ayşən-7g. Məşqçi: Məmmədov Toğrul Məktəbimizin 5d sinif şagirdi Məmmədli Fərid Taekvando idman növü üzrə yeniyetmələr və uşaqlar arasında Azərbaycan Taekvando Federasiyasının keçirdiyi yarışlarda III yerə layiq görülmüşdür Bu il məktəbin 157 nəfər məzun şagirdi oldu. 130 abituriyentdən 95 nəfəri azərbaycanın müxtəlif nüfuzlu ali məktəblərinə qəbul oldular. Belə ki, 3 nəfər 600-dən çox bal, 17 nəfər şagirdimiz isə 500-dən çox bal nəticə göstərmişdir.13 şagirdimiz xarici ölkələrin ali təhsil müəsisələrinə qəbul olmuşdur.Şagirdlərimizin 6 nəfəri Azərbaycanının müxtəlif kolleclərinə, 2 nəfəri isə peşə məktəbinə qəbul olmuşdur. Bu il IX siniflər üzrə məktəbi 187 şagird bitirdi.Onlardan 4-ü fərqlənmə səhadətnamə aldı. 5 nəfər şagird Azərbaycanın müxtəlif kolleclərinə qəbul oldu. Qəbul olan şagirdlərimizi təbrik edirik. Onların bu uğurlarında məktəb direktoru Firəngiz xanım Həsənovanın və məktəbimizin müəllim kollektivinin əvəzsiz rolu olmuşdur. Və məzunlar adından məktəbin rəhbərliyinə və müəllim kollektivinə təşəkkür edirik. 2017-2018-ci tədris ilində uğurlarımızın sayı daha da çox olsun.